साउन २४, सोलुखुम्बु । सरकारले सार्वजनिक गरेको देशभरका जिल्लाको कार्य सम्पादन मूल्याङ्कनमा हिमाली जिल्ला सोलुखुम्बु देशको टप १० भित्र परेको छ । नेपाल सरकार गृह मन्त्रालय सिंहदरवार काठमाण्डौले हालै सार्वजनिक गरेको देशभरका जिल्लाको कार्य सम्पादन मुल्याङ्कनका आधारमा आर्थिक वर्ष २०८०÷८१ मा सोलुखुम्बु टप १० मा पर्न सफल भएको हो । कार्य सम्पादन मूल्याङ्कनमा सोलुखुम्बुले १ सय पुर्णाङ्कमा ९६ दशमलव ५६ अङ्क प्राप्त गरेको छ ।
सोलुखुम्बुले गत आर्थिक वर्ष २०८०÷८१ को पहिलो त्रैमासिकमा २९ दशमलव ५ अङ्क प्राप्त गरेको थियो यस्तै दोश्रोमा १७ दशमलव ६२, तेस्रोमा १६ दशमलव ८१ र चौथो त्रैमासिकमा ३३ अङ्क प्राप्त गर्दै जम्मा ९६ दशमलव ५६ अंक प्राप्त गरेको हो । जिल्लमा सान्ती सुरक्षा कायम, विपद सम्बन्धी काम, सेवा प्रवाह, समन्वय, विकास निर्माण, मुद्दा फैसला लगायतमा मा सहजिकरण लगायत विषय सँगै कार्यालयको चुस्त दुरुस्तताका आधारमा कार्य सम्पादन मल्याङ्कन हुने गरेको छ ।
जिल्लामा प्रमुख जिल्ला अधिकारी देवी पाण्डे खत्रीले गरेको कार्य सम्पादनका आधारमा सोलुखुम्बु टप १० मा पर्न सफल भएको हो । मन्त्रालयको कार्य सम्पादन मूल्याङ्कनमा रूपन्देही देशकै प्रथम जिल्ला बनेको छ । रूपन्देहीले ९८ अङ्क प्राप्त गर्दै प्रथम बनेको हो । मन्त्रालयले गरेको कार्य सम्पादन मूल्याङ्कनमा कोशी प्रदेशका अन्य जिल्लाहरू धनकुटा ९५ दशमलव ८७ अङ्क प्राप्त गर्दै १३ औँ जिल्ला बनेको छ ।
यस्तै तेह्रथुम ९६ दशमलव ८७ अङ्क प्राप्त गर्दै आठौँ, झापा ९५ दशमलव २५ अङ्क प्राप्त गर्दै १८७ औँ, इलाम ९४ दशमलव ७५ अङ्क प्राप्त गर्दै १९ औँ स्थानमा छ । यसैगरी भोजपुर ९४ दशमलव ३७ अङ्क प्राप्त गर्दै २५औँ, सुनसरी ९४ दशमलव ३१ अंक प्राप्त गर्दै २६ औँ, ओखलढुङ्गा ९२ दशमलव ८७ अङ्क प्राप्त गर्दै ३७ औँ, मोरङ ९२ दशमलव ७५ अङ्क प्राप्त गर्दै ३९ औँ, ताप्लेजुङ ९२ दशमलव ४३ अङ्क प्राप्त गर्दै ४३ औ, पाँचथर ९१ दशमलव ८१ अङ्क प्राप्त गर्दै ४३ औँ स्थानमा छन् ।
यता खोटाङ ८१ दशमलव ७५ अङ्क प्राप्त गर्दै ७३ औँ स्थानमा छ भने देशकै दोश्रो खारव कार्य सम्पादन मूल्याङ्कन अर्थात ७६ औ स्थानमा उदयपुर छ । उदयपुरले ७९ दशमलव २५ अङ्क पाएको छ । गृहमन्त्रालय र प्रमुख जिल्ला अधिकारी बीच भएको कार्य सम्पादन सम्झौता अनुरूपको जिम्मेवारी पुरा गरेको आधारमा मन्त्रालयले कार्य सम्पादन मूल्याङ्कनलाई वरियतामा सार्वजनिक गर्ने गरेको छ ।
Discussion about this post