रेडियो एभरेष्टको ब्यानर लबुचेमा पुग्यो (हेर्नुहोस भिडियो सहित)

सोलुखुम्बु, बैशाख १५- दुई हजार वाट क्षमतामा सोलुखुम्बुमा सञ्चालनमा आएको रेडियो एभरेष्ट ९६ दशमलव ८ मेगाहर्जको लोगो अंकित व्यानर लबुचेमा पुगेको छ ।  समुन्द्रि सतहबाट ६ हजार १ सय १९ मिटर उचाइमा रहेको लबुचेमा हिमाल आरोही राजेश मगरले आज रेडियो एभरेष्टको लोगो अंकित ब्यानर फहराउनु भएको हो ।

एभरेष्टको अव आउने १५ दिन पछि झण्डा सगरमाथामा फहराइने आरोही मगरले बताउनुभयो । एभरेष्ट मिडिया टेक प्रालिका सञ्चालक समिति सचिव अशोक राईले हस्तान्तरण गर्नुभएको लोगो १ महिना ७ दिन पछि लबुचे हिमाल पुगेको छ ।

एभरेष्टको लोगो सगरमाथाको शिखरमा फहराउने उद्देश्य सहित गत चैत्र ८ गते रेडियोको सल्लेरी स्थित कार्यालयबाट आरोही मगरलाई हस्तान्तरण गरिएको सचिव राईले बताउनुभयो । उहाँले  सगरमाथाको शिखर पुग्ने उद्देश्य लिएर हिँडेका राजेश लाई शिखर बाट फर्किएपछि सल्लेरीमा सम्मानित गर्ने बताउनुभएको छ ।