विपदसँग जुध्न सबै किसिमका उपाय अपनाउने गरी मन्त्रालयले गृहसँग समन्वय गर्ने रक्षामन्त्री राईको भनाई

साउन ३२, सोलुखुम्बु । रक्षामन्त्री मानवीर राईले सोलुखुम्बुको थामेमा आएको भीषण बाढीबाट मानवीय क्षति भएको आशंका रहेको बताउनुभएको छ । मन्त्री राईले विवरण आइनसके पनि थामे बाढीबाट मानवीय क्षति भएको अनुमान रहेको बताउनुभएको हो ।

‘अहिलेसम्म मानवीय क्षति भए÷नभएको यकिन विवरण आइसकेको छैन । मानवीय क्षति भएको आशंका छ,’ मन्त्री राईले भने, ’थामेको घटनास्थलमा बढी क्षति भएको आकलन गर्न सकिन्छ ।’ मन्त्री राईले हालसम्म बाढीले नदी प्रवेश गरी पुल र अरु भौतिक संरचनामा क्षति पु¥याएको विवरण आइनसकेको पनि बताए ।

रक्षामन्त्री राई बाढी आएको खुम्बु पासाङल्यामु गाउँपालिकाको छिमेकी पालिका माप्य दुधकोशी गाउँपालिकाका स्थानीय हुन् । ‘गृहमन्त्रीसँग कुराकानी भइसकेको छ । मैले कामु प्रधानसेनापतिज्यूलाई पनि विपद्बाट पार्ने जोखिमबाट बच्न, नागरिकलाई सुरक्षित स्थानमा लैजाने व्यवस्था गर्न र अरु भौतिक क्षति हुन नदिने उपाय अपनाउन सुरक्षाकर्मीहरुलाई परिचालन गर्न निर्देशन दिइसकेको छु ।’ उहाँले भन्नुभयो ।