तोलामा पाँच सय रुपैयाँले घट्यो सुनको मूल्य

भदौ ७, सोलुखुम्बु । सुनको भाउ आज तोलामा पाँच सय रुपैयाँले घटेको छ । सुन आज पाँच सय रुपैयाँले घटेर तोलाको एक लाख ५१ हजार चार सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

हिजो सुन तोलाको एक लाख ५१ हजार नौ सय रुपैयाँ रहेको थियो । अस्ति बुधवार भने सुन अहिलेसम्मकै उच्च तोलाको एक लाख ५३ हजार रुपैयाँ पुगेको थियो । त्यस्तै आज चाँदीको भाउ पनि घटेको छ । चाँदी १५ रुपैयाँले घटेर तोलाको एक हजार आठ सय १५ रुपैयाँमा कायम भएको महासङ्घले जनाएको छ ।