फाप्लुमा उपचाररत बृद्धको थप उपचारका लागि रक्षा मन्त्री राईको पहलमा काठमाडौं पठाइयो

भदौ १४, सोलुखुम्बु । जिल्ला अस्पताल फाप्लुमा उपचाररत एक बृद्ध थप उपचारका लागि रक्षा मन्त्री मानविर राईको पहलमा काठमाडौं पठाइएको छ । शुक्रबार राजधानीबाट गृह जिल्ला सोलुखुम्बुमा विभिन्न कार्यक्रमका लागि आउनु भएका मन्त्री राईले विगत लामो समय देखि अस्पतालमा उपचाररत ८२ वर्षिय रिन्जि तामाङलाई उपचारका लागि काठमाडौं पठाइएको हो ।

तामाङ विगत लामो समय देखि निमोनिया, क्षरोग र श्वासप्रश्वास रोगबाट ग्रसित रहेको जिल्ला अस्पता फाप्लुका डाक्टर प्रशान्त शाहले जानकारी दिनुभयो । उनलाई नेपाली सेनाको हेलिकप्टर मार्फत पठाइएको जनाईएको छ ।