बामपन्थी एकताको गुञ्जायस छैन ः पूर्व मुख्यमन्त्री राई 

भदौ १४, सोलुखुम्बु  । कोशी प्रदेशका पूर्व मुख्यमन्त्री तथा नेकपा एमालेका कोशी प्रदेश इन्चार्ज शेरधन राईले बामपन्थी एकताको गुञ्जायस नै नभएको बताउनुभएको छ । नेकपा एमाले जिल्ला कमिटी सोलुखुम्बुकाे तेश्रो बैठकमा सहभागिता जनाउन सोलुखुम्बु आउनुभएका राईले यस्तो बताउनु भएकाे हो ।  

उहाँले नेकपा एमालेमा समाहित हुन कुने पार्टि आउँछ भने त्यसका लागी एमालेको ढोका खुल्ला रहेको भन्दे अव एकताको कुनै गुञ्जायस नरहेको जिकिर गर्नुभएको हो ।  रेडियो एभरेष्टको कार्यक्रम एभरेष्ट संवादमा पत्रकार दीपेन्द्र खनालसँग कुराकानी गर्ने क्रममा उहाँले देशलाई वर्तमान सत्ता गठबन्धन काङ्ग्रेस एमालेले निकास दिने बताउनुभएको छ ।  

भन्ने बित्तिकै सबै कुरा जादु जसरी सामान्य नहुने भएपनि सुशासन र विकासको पक्षमा उल्लेख्य काम हुने उहाँको जिकिर थियो । उहाँले नेकपा एमालेले जनताको मर्म र भावना अनुरूप काम गर्ने र जनतालाई विकासको अनुभूत गराउने गरि सरकारमा सहभागि भएको जिकिर गर्नुभयो । उहाँले वर्तमान गठबन्धनको मूल उद्देश्य भनेकै देशको आर्थिक समुन्नति भएको दावी गर्नुभएको छ ।