निजामति सेवा दिवसको अवसरमा सोलुखुम्बुमा व्याटमिन्टन प्रतियोगिता हुँदै

भदौ १९, सोलखुम्बु । ‘निजामति सेवा दिवस २०८१’ को अवसरमा जिल्ला प्रशासन कार्यालय सोलुखुम्बुले व्याटमिन्टन प्रतियोगिताको आयोजना गर्ने भएको छ । हरेक वर्षको भदौ २२ गते मनाइने निजामति सेवा दिवसको अवसरमा व्याटमिन्टन प्रतियोगिता आयोजना गर्न लागिएको जिल्ला प्रशासन कार्यालय सोलुखुम्बुले जनाएको छ ।

‘व्यावसायिक र सिर्जनशील प्रशासनः विकास समृद्धि र सुशासन’ भन्ने मुल नाराका साथ दिवस मनाउन लागिएको हो । सोलुखुम्बु जिल्ला स्तरिय निजामति कर्मचारी पुरुष डबल, सोलुखुम्बु जिल्ला स्तरिय निजामति खुल्ला महिला डबल र सोलुखुम्बु जिल्ला स्तरिय निजामति खुल्ला पुरुष डबल गरी तीन विधाका खेल समावेश गरिएको प्रमुख जिल्ला अधिकारी देवि पाण्डे खत्रीले जानकारी दिनुभयो ।

प्रजिअ पाण्डेका अनुसार सोलुखुम्बु जिल्ला स्तरिय निजामति कर्मचारी पुरुष डबल, सोलुखुम्बु जिल्ला स्तरिय निजामति खुल्ला महिला डबल र सोलुखुम्बु जिल्ला स्तरिय खुल्ला पुरुष डबल तिनै विद्या तर्फ प्रथम, द्धितिय र तृतिय हुने टिमलाई ५ हजार, ३ हजार र २,२ हजारको साथमा ट्रफि मेडल र प्रमाणपत्र प्रदान गरिने भएको छ । कार्यक्रम योङ्ग स्टार क्लव सोलुखुम्बुको कवर्ड हलमा भदौ २१ र २२ गते दुई दिनसम्म सञ्चालन हुने आयोजकले जनाएको छ ।