शिव मन्दिरद्धारा आयोजित तिज बिशेष कार्यक्रम माप्यमा सुरु

भदौ २१, सोलुखुम्बु । शिव मन्दिरको आयोजनामा माप्य दुधकोशी गाउँपालिका ३ मा तिज बिशेष कार्यक्रम भव्यताका साथ मनाइरहेका छन् । हिन्दु महिलाहरुको महान पर्व हरितालिका तीजको अवसरमा शुक्रबार शिव मन्दिरमा विविध कार्यक्रमका साथ तिज मनाईरहेका हुन् ।

माप्यदुधकोशी गाउँपालिकाका उपाध्यक्ष गौरव राईको अध्यक्षता तथा प्रमुख प्रशासकिय अधिकृत जितेन्द्र कुमार यादवको प्रमुख आतिथ्यतामा उक्त कार्यक्रम सुरु भएको देवि प्रसाद घिमिरेले जानकारी दिनुभयो । तिज बिशेष कार्यक्रम सफल पार्नका लागि माप्यदुधकोशी गाउँपालिकाको १ लाख आर्थिक सहयोग गरेको जनाईएको छ । उहाँका अनुसार तिज विषेश कार्यक्रम अन्तर्गत संगिनीनाच, तिज गितमा खुल्ला लोकनृत्य प्रतियोगिता सुरु भएको छ ।

मौलिक भेषभुषा र परम्परागत संस्कृतिलाई निरन्तरता दिने हेतुले सो कार्यक्रमको आयोजना गरिएको हो । कार्यक्रममा सहभागि प्रतियोगिहरु खुल्ला नृत्य र ििसङ्गनी नाच दुवै तर्फ प्रथम, द्धितिय र तृतिय हुने प्रतियोगिहरुलाई क्रमश : ६ हजार, ४ हजार र २ हजारको साथमा प्रमाणपत्र प्रदान गरिने भएको छ ।

मौलिक चाडपर्वको संरक्षण गर्नु स्थानीय सरकारको दायित्व रहेकाले प्रतियोगताको आयोजना गरिएको जनाइएको छ । यस्तो कार्यक्रम आयोजना गर्दा संस्कृति एक पुस्ताबाट अर्को पुस्तामा हस्तान्तरण हुने समेत गाउँपालिकाले विश्वास लिइएको छ ।