निजामती सेवा दिवसको अवसरमा सोलुमा ब्याड्मिन्टन प्रतियोगिता सुरु

भदौ २१, सोलुखुम्बु । निजामती सेवा दिवसको अवसरमा सोलुखुम्बुमा ब्याड्मिन्टन प्रतियोगिता सुरु भएको छ । जिल्ला प्रशासन कार्यालय सोलुखुम्बुको आयोजनामा सदरमुकाममा शुक्रबारबाट सुरु भएको प्र्रतियोगिताको सोलुखुम्बु जिल्ला अदालतका न्यायधिश शंकर बहादुर राईले उद्घाटन गर्नुभयो ।

दोर्पु स्थित योङ्ग स्टार क्लवको कर्भड हलमा जारी प्रतियोगितामा महिला पुरुष गरी ४५ टिमको सहभागी रहेको जिल्ला प्रशासन कार्यालयका लेखापाल महेश भण्डारीले जानकारी दिनुभयो । उहाँका अनुसार प्रतियोगितामा सोलुखुम्बु जिल्ला स्तरीय पुरुष खुल्ला डबल तर्फ २३ टिम, जिल्ला स्तरीय महिला डबल तर्फ ६ टिम र निजामती कर्मचारी पुरुष डबल तर्फ १७ टिमको सहभागीता रहेको छ ।

आज शुक्रबार र भोली शनिबार दुई दिन सम्म सञ्चालन हुने प्रतियोगितामा शुक्रबार २० खेल र शनिबार २४ खेल सञ्चालन गरिने आयोजकले जनाएको छ । प्रतियोगितामा सोलुखुम्बु जिल्ला स्तरिय निजामति कर्मचारी पुरुष डबल, सोलुखुम्बु जिल्ला स्तरिय निजामति खुल्ला महिला डबल र सोलुखुम्बु जिल्ला स्तरिय खुल्ला पुरुष डबल तिनै विद्या तर्फ प्रथम, द्धितिय र तृतिय हुने टिमलाई ५ हजार, ३ हजार र २,२ हजारको साथमा ट्रफि मेडल र प्रमाणपत्र प्रदान गरिने भएको छ ।

प्रमुख जिल्ला अधिकारी देवी पाण्डे खत्रीको अध्यक्षतामा भएको उद्घाटनमा जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरे लगायत विभिन्न संघ संस्थाका प्रनिधिनिहरुको उपस्थिती रहेको नगर प्रवक्ता फुर्वा ग्याल्जेश शेर्पाले जानकारी दिनुभयो ।