तिज विशेष कार्यक्रममा संगीनि नृत्यले स्थान पाउँदै, नेचासल्यान ३ पनि आयोजना गरियो 

भदौ २१, सोलुखुम्बु  । सोलुखुम्बुको नेचासल्यान गाउँपालिकामा लोपुन्मुख संगीनि नृत्य प्रतियोगिता आयोजना गरिएको छ । गाउँपालिकाको वडा नम्बर ३ स्थित सिंहदेवी सेवा समाजको आयोजना एवं नेचासल्यान गाउँपालिकाको आर्थिक सहयोगमा समाजले नृत्यको आयोजना गरिएको हो ।

तिजको बद्लिदो साँगीतिक बजारमा सङ्गिनी नृत्यको अस्तित्व धरापमा पर्दै गएपछि यसको संरक्षण र भावि पुस्तामा हस्तान्तरणका लागी संगीनि नृत्य प्रतियोगिताको आयोजना गरिएकाे संस्थाका उपाध्यक्ष नगेन्द्र कट्टेलले बताउनुभयो ।  नृत्य प्रतियोगितामा सिंहदेवी महिला समुह प्रथम हुँदै ५ हजार रुपैयाँ पुरस्कार राशी हात पारेको छ । प्रतियोगितामा ५ टिम सहभागी भएकोमा द्वितीय स्थान डाँडाघर जागरण समुहले अोगटेको छ भने उक्त समूहले ३ हजार पुरस्कार राशि प्राप्त गरेको छ ।

यस्तै तृतीय स्थान गैरीगाउँ महिला समुहले हात पार्दै १ हजार ५ सय पुरस्कार प्राप्त गरेको सिंहदेवी सेवा समाजका उपाध्यक्ष नगेन्द्र कटेलले जानकारी दिनुभयो ।  यस्तै अन्य सहभागीहरूलाई पनि नगद पुरस्कार सहित सम्मानित गरिएको उहाँको भनाई छ ।  तिज विशेष कार्यक्रम अन्तर्गतको नृत्य प्रतियोगिता नेचासल्यान गाउँपालिका उपाध्यक्ष विना देवी राईको प्रमुख आतिथ्यतामा सम्पन्न भएको हो । कार्यक्रममा गाउँपालिकाका पुर्व उपाध्यक्ष कुमारी देवी शर्मा लगायत अन्य सरोकारवालाहरुको उपस्थिति रहेको थियो ।

संगिनी नेत्य प्रतियोगिता कार्यक्रम संस्थाका सभापति निरकुमार शर्मा फुँयालको सभापतित्वमा सम्पन्न भएको जनाइएको छ  ।  यस्तै प्रतियोगिताका निर्णायक निर्णायक भूमिकामा रीड नेपालका सूजता राई सहित यस क्षेत्रमा दख्खल राख्ने गोमा ढुङ्गेल र बविता राई रहनुभएको कटेलले बताउनुभयो ।