घरबास विहीन बनेका सल्ले अग्निपीडितलाई विजयखर्कमैत्री समाजको राहत

बैशाख ३० सोलुखुम्बु । खोटाङको हलेसी तुवाचुङ नगरपालिका वडा नम्बर ९ सल्ले मगर गाउँ र रावाबेसीकाे तिर्पाका अग्निपीडितलाई विजयखर्क मैत्री समाजले राहत वितरण गरेको छ ।  गत बैशाख १४ गते भएको आगलागीबाट घरबास गुमाएका ९ घरलाई समाजले १ लाख २० हजार बराबरको राहत सामाग्री वितरण गरेको हो ।

अग्निपीडित परिवारलाई बिजयखर्कमैत्री समाजका संरक्षक भाेला नाथ पाेखरेल र काेषाध्यक्ष पशुपति पोखरेलले उपलब्ध गराएको राहत सामाग्री उनिहरूकै  हातमा पुर्याइएकाे हाे । अग्निपीडितलाई खाद्यान्न, लत्ताकपडा, सावुन र घर जल्दा स्कुल झोला समेत जलेका  ११ जना विद्यार्थीलाई झोला लगायत स्टेशनरीका सामग्री समेत वितरण गरिएको विजयखर्क मैत्री समाजका संस्थापक उपाध्यक्ष तथा  जनता मावि सल्लेका अंग्रेजी शिक्षक लक्ष्मी प्रसाद खनालले बताउनुभयो । उहाँले अग्निपीडित  मदन ब. थापा, इन्द्र बहादुर थापा, गोपाल ब. थापा, झन ब. मगर, भेष ब. राना, खगेन्द्र बिक, योग ब. रानालाई राहत वितरण गरिएको बताउनुभएको छ ।

उक्त आगलागीबाट  मगरगाउँका ७ र तिर्पाका २ गरी ९ वटा घर र ६ वटा मतान सहित पशुचौपाया समेत जल्दा १ करोड ५० लाख बढी क्षती भएको थियो ।  समाजले विभिन्न समयमा विपदमा परेकाहरूलाई राहत तथा पुनर्स्थापनाको काम गर्दै आएको    अभियन्ता खनालले बताउनुभयाे ।

 [jeg_weather location=”” auto_location=”true” count=”4″ item=”show”]