बैशाख ३० सोलुखुम्बु । नेपाल शिक्षक संघ जिल्ला कार्य समिति सोलुखुम्बुले आफ्नो ३५ औँ स्थापना दिवसको अवसर पारेर पूर्व जिल्ला अध्यक्षहरूलाई सम्मान गरेको छ । आइतबार स्थापना दिवसको अवसरमा आयोजित शिक्षक सम्मान एवं अन्तरकृया कार्यक्रमका बिच शिक्षक संघका पूर्व जिल्ला अध्यक्षहरूलाई उनीहरूले शिक्षक संघको नेतृत्व गर्दै पुर्याएको योगदानका लागी सम्मान गरिएको हो । नेपाल शिक्षक महासंघ कोशी प्रदेशका उपमहासचिव (अर्थ) लक्ष्मण कार्कीको प्रमुख आथतिथ्यतामा सम्पन्न सम्मान कार्यक्रमका बिच पूर्व अध्यक्षहरू उद्धव कुमार शर्मा, प्रेम कुमार राई, लाल कुमार बाँस्तोला, दावा शेर्पा, हुतराज बस्नेत लाई दोसल्ला र प्रमाण पत्र सहित सम्मान गरिएको नेपाल शिक्षक महासंघ सोलुखुम्बुका अध्यक्ष जनक कुमार थापाले बताउनुभयो । नेपाल शिक्षक संघ द्धारा आयोजित सम्मान तथा अन्तरकृया कार्यक्रम नेचासल्यान गाउँपालिका स्थित हिमाल दर्शन माध्यमिक विद्यालयमा सम्पन्न भएको थियो ।
Discussion about this post