पत्रकार महासंघ सोलुखुम्बुको नयाँ कार्यसमितिद्वारा पदभार ग्रहण

मंसिर २९, सोलुखुम्बु । नेपाल पत्रकार महासंघ सोलुखुम्बुका जिल्ला कार्यसमितिसहित नवनिर्वाचित सदस्यहरुले पद तथा सपथ सहित पदभार ग्रहण गरेका छन् । जिल्ला शाखा निर्वाचन समितिका संयोजक नारायण कुमार श्रेष्ठले नवनिर्वाचित जिल्ला कार्यसमितिका पदाधिकारी र सदस्यहरुलाई आ–आफ्नो पद तथा गोपनीयताको सपथ गराएका हुन् ।

शुक्रबार भएको निर्वाचनमा विजयी भएका जिल्ला अध्यक्ष सुवास दर्नाल सहितका समितिका सबै पदाधिकारी तथा सदस्यहरुले शपथ ग्रहण गरेको जनाइएको छ । प्रेस युनियनका दर्नालले प्रेस चौतारीका दिलबहादुर राईलाई पराजित गर्नुभएको थियो ।

आजै नवनिर्वाचित पदाधिकारीहरुलाई जिम्मेवारी समेत हस्तान्तरण गरिएको छ । सपथ ग्रहण कार्यक्रममा नवनिर्वाचित अध्यक्ष दर्नालले प्रेस स्वतन्त्रताका लागि महासंघले सशक्त भूमिका निर्वाह गर्ने प्रतिबद्धता व्यक्त गर्नुभएको छ ।

पत्रकारिता क्षेत्रलाई मर्यादित बनाउन र पत्रकारहरुको व्यक्तिगत आचरण तथा क्षमता विकासका लागि आफुले योजनाबद्ध ढंगबाट काम गर्ने उहाँको भनाई छ । जिल्लाको पत्रकारिताको अवस्थालाई मध्य नजर गर्दै काम गर्ने निर्वाचित सदस्यहरुले बताइएका छन् ।

साथै पत्रकार महासंघको भवन बनाउनको लागि कामको थालनी गर्ने बताउदै निष्पक्ष रुपमा पत्रकारिताको भूमिका निभाउने उनीहरुको भनाई रहेको छ । पदभार ग्रहण कार्यक्रममा निर्वतमान अध्यक्ष नुतन श्रेष्ठसहित सुरक्षाकर्मीको उपस्थित रहेको थियो । जिल्लामा १७ वर्षपछि प्रेस युनियनले चौतारीलाई पराजित गर्दै निर्वाचन जितेको हो ।