प्रतिमाको उपचारकालागी रीड नेपालको ३० हजार आर्थिक सहयोग 

फागुन १, सोलुखुम्बु ।सोलुखुम्बुको नेचासल्यान गाउँपालिकाकी एक बिरामी विद्यार्थीलाई रीड नेपालले ३० हजार रुपैयाँ सहयोग गरेको छ ।  गाउँपालिकाको वडा नम्बर ५ स्थित गणेशस्थान माध्यमिक विद्यालयमा अध्ययनरत छात्रा प्रतीक्षा श्रेष्ठको उपचारार्थ आर्थिक सहयोग गरिएको हो ।  दाहिने हात र खुट्टा नचल्ने समस्या समस्याले ग्रसित विद्यार्थी श्रेष्ठको उपचारको सहयोगका लागी ३० हजार आर्थिक सहयोग गरिएको रीड नेपालका शिक्षा विकास अधिकृत केशव गिरिले बताउनुभयो ।  विद्यार्थी श्रेष्ठको उपचारका लागी पारिवारी आर्थिक स्थिति कमजोर भएकाले सहयोग गर्न विद्यालयले गरेको अनुरोधलाई स्वीकार्दै सहयोग रकम पठाइएको उहाँको भनाई छ ।  श्रेष्ठको उपचार हाल कान्तीबाल अस्पतालमा भइरहेको जनाइएको छ ।  रीड नेपालले बिरामीकी दिदी अप्सरा श्रेष्ठको खातामा रकम पाठाएको उहाँले बताउनुभयो ।