नेचासल्यानमा मनाईयो ३० औं जनयुद्ध दिवस

फागुन २, सोलुखुम्बु । नेकपा माओवादी केन्द्र नेचासल्यानले दिप प्रज्वलन गरी ३० औं जनयुद्ध दिवस मनाएको छ । नेकपा माओवादी केन्द्र नेचासल्यानका इन्चार्ज केशर राई, अग्रज नेता रामेश्वरसिंह कार्की, पालिका कमिटी सचिव वियस राई कुसुम प्रतिष्ठानका अध्यक्ष लोकन्द्र राउत लगायत अन्य नेता कार्यकर्ता, पूर्व जनमुक्ति सेनाको सयुंक्त उपस्थितीमा दिवस मनाइएको छ ।

जनयुद्धको सुरुवात गरिएको दिनको सम्झनामा बिहिबार नेताहरुले जनयुद्ध सम्बद्ध शुभकामना मन्तव्य राखेका थिए । २०५२ साल फागुन १ गते तत्कालिन विद्रोही नेकपा माओवादीले संविधानसभाबाट संविधान बनाउनु पर्ने, राजतन्त्रको अन्त्य र जनवादी व्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर नेपालमा सशस्त्र विद्रोहको शुरुवात गरेको थियो ।

२०६३ साल मंसिर ५ गते विस्तृत शान्ति सम्झौता गरेपछि सशस्त्र विद्रोह औपचारिक रुपमा अन्त्य भएको थियो । सशस्त्र विद्रोह शुरु भएको दिनलाई माओवादीले जनयुद्ध दिवसका रुपमा मनाउँदै आएको छ ।