सुरक्षित सिकाई वातावरण निर्माणका लागि केदार माविलाई द पार्टनर्स नेपालको आर्थिक सहयोग

फागुन २, सोलुखुम्बु । सोलुखुम्बुको नेचासल्यान गाउँपालिका स्थित केदार माविलाई द पार्टनर्स नेपालले आर्थिक सहयोग गरेको छ । विद्यालयमा सुरक्षित सिकाई वातावरण निर्माणका लागि १३ लाख रुपैयाँ आर्थिक सहयोग गरेको हो ।

हाल विद्यालय परिसरमा घेराबारा निर्माण सहित चारवटा कक्षाकोठा सेटअप कार्य तीव्र रूपमा अगाडि बढिरहेको विद्यालयका शिक्षक तथा सूचना अधिकारी सुवास भण्डारीले जानकारी दिनुभयो ।

निर्माण भइरहेको कक्षाकोठाहरू बालमैत्री हुनुका साथै जाडो मौसममा न्यानो रहने गरी सेटअप हुँदैछन्, जसले विद्यार्थीहरूको सिकाइ वातावरणलाई अझ सहज बनाउने विद्यालयले विश्वास लिएको छ । विद्यालयको शैक्षिक गुणस्तरका निम्ति सहयोग गर्ने द पार्टनर्स नेपाललाई विद्यालय परिवारले धन्यवाद व्यक्त गरेका छन् ।