वित्त आयोगको कार्य सम्पादनमा चिशंंखुगढी गाउँपालिका ६ वटा स्थानीय तहलाई पछि पार्दै दोस्रो

फागुन २, सोलुखुम्बु । राष्ट्रिय प्राकृतिक स्रोत तथा वित्त आयोगले गरेको कार्यसम्पादन मूल्याङ्कनमा ओखलढुगांको चिशंखुगढी गाउँपालिका दोस्रो भएको छ । जिल्लाको सिद्धिचरण नगरपालिकाले ७५.१ अकं प्राप्त गरी पहिलो भएको छ भने, ६७.३ अकं ल्याई चिशंखुगढी गाउँपालिका दोस्रो भएको हो ।

यस्तै ५९.८ अकं प्राप्त गरी खिजिदेम्बा गाउँपालिका तेस्रो र मानेभञ्ज्याङ गाउँपालिकाले ५५.६ अकं ल्याई चौथो स्थानमा रहेको राष्ट्रिय प्राकृतिक स्रोत तथा वित्त आयोगले सार्वजनिक गरेको विवरणमा उल्लेख गरिएको छ । यता मोलुङ गाउँपालिकाले ५१.१ अकं प्राप्त गर्दै पाचौं लिखु गाउँपालिकाले ५४.३ अकं ल्याई छौटौं सुनकोशी गाउँपालिकाले ५३.५ अकं ल्याई सातौं र ४८.७ प्राप्त गरी चम्पादेवि गाउँपालिका आठौं भएको विवरणमा उल्लेख गरिएको छ ।

कार्यसम्पादन मूल्याङ्कनमा आयोगले स्थानीय तहको मूल्याङ्कन गर्दा विभिन्न १७ वटा सूचकलाई आधार बनाएको छ । चिशंखुगढी गाउँपालिकाले आगामी दिनहरुमा प्रथम हुनका लागि थप सेवा प्रवाह तथा विकास निर्माणमा जोड दिदै जाने गाउँपालिका अध्यक्ष निशान्त शर्माले बताउनुभयो । स्थानीय तहले आर्थिक वर्ष २०८०÷०८१ को राजस्व र व्ययको अनुमान सम्बन्धित गाउँ तथा नगर सभामा पेस गरे नगरेको लगायतको सूचक राखेको थियो ।