बैशाख १९, सोलुखुम्बु । नेपाली काँग्रेस सोलुखुम्बु प्रदेश (क) को सम्मेलन आउँदो जेठ ३ गते सोलुखुम्बुको थुलुङ दुधकोशी गाउँपालिका–६ स्थित मुक्लिमा हुने भएको छ । सम्मेलनको उद्घाटन गर्न काँग्रेस नेता तथा नेपाल सरकारका गृहमन्त्री रमेश लेखक सोलुखुम्बु आउने तय भएको छ ।
क्षेत्रीय सभापति धनजन राईका अनुसार सम्मेलनलाई सभ्य र भव्य बनाउन सबै तयारीहरू तीव्र पारिएको छ । सम्मेलनमा केन्द्रीय कार्य सम्पादन समितिका सदस्य बलबहादुर के.सी. लगायतका विशिष्ट नेताहरूको पनि उपस्थिति रहने आयोजकले जनाएको छ ।
सभापति राईले सम्मेलनलाई सफल बनाउन नेपाली कांग्रेसका सम्पूर्ण नेता, कार्यकर्ता तथा शुभेच्छुकहरूलाई उपस्थितिका लागि हार्दिक आमन्त्रण गर्नुभएको छ । यस सम्मेलनले पार्टीको संगठन मजबुत बनाउन तथा आगामी कार्यदिशा तय गर्न महत्वपूर्ण योगदान पु¥याउने अपेक्षा गरिएको छ ।
Discussion about this post