ओखलढुंगाको खिजीदेम्बामा ७४.६ किलोमिटर साईकल यात्रा, पर्यटन प्रर्वद्धनमा टेवा

बैशाख १९, सोलुखुम्बु । पर्यटन प्रर्वद्धनमा तथा आर्थिक उपार्जनलाई टेवा पुर्याउने उद्देश्यले ओखलढुंगाको खिजीदेम्बा गाउँपालिकामा ७४.६ किलोमिटर लामो साईकल यात्रा सञ्चालन गरिएको छ । खिजीफलाटे बजारबाट सुरु भएको उक्त साईकल यात्रा पात्ले, पीके र देम्बाडाँडा लगायतका प्रमुख पर्यटकीय क्षेत्रहरु हुँदै सम्पन्न हुनेछ । स्वदेश तथा विदेशबाट आएका ६५ जना साईकल यात्रीहरू सहभागी भएका यो यात्राको आयोजना खिजीदेम्बा गाउँपालिकाको पहलमा गरिएको हो ।

गाउँपालिका अध्यक्ष गम्बु शेर्पाका अनुसार, खिजीदेम्बा मात्र होइन, ओखलढुंगा र सोलुखुम्बुका अन्य पर्यटकीय स्थलहरूको पनि प्रचारप्रसार गर्ने उद्देश्यले यो यात्रा आयोजना गरिएको हो । “स्थानीय पर्यटनको प्रवद्र्धनसँगै आन्तरिक तथा बाह्य पर्यटकहरूलाई आकर्षित गर्न हामीले साईकल यात्रा सुरु गरेका हौं,“ अध्यक्ष शेर्पाले बताउनुभयो ।

साईकल यात्रा मार्फत स्थानीय उत्पादन, संस्कृति र प्रकृतिक सम्पदाको समेत अवलोकन गर्न सकिने भएकाले यसले दीर्घकालीन आर्थिक र सामाजिक लाभ पु¥याउने विश्वास गरिएको छ ।