बैशाख १९, सोलुखुम्बु । नयाँ वर्ष २०८२ को अवसरमा जय नेपाल फाउन्डेसन सोलुखुम्बुले एक विशेष शुभकामना आदानप्रदान कार्यक्रमको आयोजना गरेको छ । काठमाडौँमा आयोजित उक्त कार्यक्रममा प्रमुख अतिथि रूपमा नेपाली काँग्रेसका केन्द्रीय सदस्य तथा पर्यटन विभाग प्रमुख आङगेलु शेर्पाको उपस्थिति रहेको थियो ।कार्यक्रममा नयाँ वर्षको शुभकामनासँगै २०८२ सालको भित्तेपात्रो समेत सार्वजनिक गरिएको छ ।
फाउन्डेसनका अध्यक्ष नविन थापाका अनुसार उक्त भित्तेपात्रो जय नेपाल फाउन्डेसन सोलुखुम्बुकै पहलमा तयार गरिएको हो । नेता शेर्पाले कार्यक्रमलाई सम्बोधन गर्दै २०८२ साल नेपाली राजनीति र लोकतान्त्रिक गणतन्त्रलाई संस्थागत गर्न महत्वपूर्ण वर्ष हुने विश्वास व्यक्त गर्नुभयो । उहाँले काँग्रेस–एमाले गठबन्धन सरकार २०८४ सम्म कायम रहने र त्यसले देशमा राजनीतिक स्थायित्व ल्याउन मद्दत पु¥याउने धारणा राख्नु भयो । कार्यक्रमका विशेष अतिथि तथा नेपाली काँग्रेसका केन्द्रीय सदस्य डा. गोविन्दराज पोखरेलले नयाँ वर्षलाई राष्ट्रिय एकताको प्रतीकका रूपमा लिनुपर्ने बताउनुभयो । उहाँले समाजमा सकारात्मक सोच र सहकार्यको भावना आवश्यक रहेकोमा जोड दिनुभयो ।
कार्यक्रममा जय नेपाल फाउन्डेसनका केन्द्रीय अध्यक्ष बद्री अर्याल, टानका वरिष्ठ उपाध्यक्ष तथा काँग्रेस क्षेत्रीय सभापति कर्मा शेर्पा, सोलुदुधकुण्ड नगरपालिकाकी उपमेयर गान्धी माया तामाङ, नेताहरु राम बहादुर बस्नेत, गणेश बहादुर बस्नेत, देबेन्द्र बस्नेत, दावागेलु पाख्रीन लगायतको उल्लेख्य उपस्थिति रहेको थियो । कार्यक्रमले नयाँ वर्षको उमङ्ग र राष्ट्रिय एकताको सन्देश फैलाएको आयोजकको विश्वास छ ।
Discussion about this post