दुधकोशी अस्पतालमा शल्यक्रिया मार्फत तेश्रो प्रसुती सफल

जेठ ३१, साेलुखुम्बु ।   सोलुखुम्बुको थुलुङ दुधकोशी गाउँपालिका स्थित दुधकोशी अस्पतालबाट तेश्रो सफल शल्यक्रिया मार्फत प्रसुती गराइएको छ । थुलुङ दुधकोशी गाउँपालिकामा सञ्चालित दुधकोशी अस्पतालमा प्रसूती सेवा सुरु भएपछि शल्यक्रिया मार्फत तेश्रो पटक सफल प्रसूति गराउन सफल भएको अस्पतालले जनाएको हाे ।

विहिबार सल्यक्रिया मार्फत वडा नम्बर ८ देउसाकी २० वर्षिय बसन्ती राईको सफल प्रसूति गराइएको अस्पतालले जनाएको हाे । उनले अाज  विहान ६ बजेर १२ मिनेटमा  छाेरीलाइ जन्म दिएकी हुन । यसबारेमा जानकारी दिँदै थुलुङ दूधकोशी गाउँपालिका अध्यक्ष असिम राईले अस्पतालबाट तेश्रो सिजेरीयन सेक्सन शल्यक्रिया सफल भएको बताउनुभएको छ ।

अस्पतालले केही समय अघि मात्रै प्रसूति सेवा समेत सुरु गरे पछि अहिले गाउँपालिका भरिका महिलालाई प्रसूति गराउन अन्य अस्पताल धाउनुपर्ने बाध्यताबाट मुक्ति मिलेको छ । हाल सम्म अस्पतालबाट ३ जना महिलाको शल्यक्रिया मार्फत प्रसूति गराइसकिएको छ भने अन्य ६ जनाको सामान्य प्रसुती भइसकेको छ ।