काकु माविले रोप्यो विद्यालय क्षेत्रमा फलफुलका विरुवा

सोलुखुम्बुको माप्यदुधकोशी गाउँपालिका वडा नम्बर ४ स्थित काकु माध्यामिक विद्यालयले विद्यालय वरिपरी ४९ वटा फलफुलका बिरुवा रोपिएको छ । शुक्रबार त्रिवेणी अगुवा क्लबको नेतृत्वमा अन्तर सदनात्मक फुलबारी निर्माण तथा फलफुलका बिरुवाहरु रोप्ने रोपेको हो । रीड नेपाल जलवायु परिवर्तन अनुकुलका लागि सोलुखुम्बु युवाहरुको पहल परियोजना अन्र्तगत प्राप्त भएका मयुर पंखी धूपी २० ओटा, तेजपत्ता ११ ओटा, रुद्राक्ष ३ ओटा लप्सी ५ ओटा र पैँयु १० ओटा विद्यालय परिसरमा रोपिएको विद्यालयका प्रध्यानध्यापक विनोद बस्नेतले जानकारी दिनुभएको । विद्यालय व्यवस्थापन समितिका अध्यक्ष खासवीर राईद्धारा ९ बोट सुन्तलाको बिरुवा साथै शिक्षक अभिभावक संघका अध्यक्ष विसन राईले विरुवामा मल उपलब्ध गराउनुभएको छ । यस्तै विद्यालय क्षेत्रलाई हराभरा बनाउने उदेश्यले बोट बिरुवा तथा फुलका विरुवा रोपिएको प्रअ बस्नेतको भनाई छ ।

विद्यार्थीहरुको ४ सदनबाट छुटाछुटै क्षेत्रमा विभिन्न जातका फलफुलका बिरुवाहरु विद्यार्थी, शिक्षक , विव्यसअध्यक्ष सिअसंघका अध्यक्ष रिड नेपालका प्रतिनिधिहरु लगायतको उपस्थितमा रोपिएको प्रअ बस्नेतले बताउनुभएको छ ।