कक्षा–१२ को नतिजा : कोशी प्रदेशमा ३५ हजार बढी विद्यार्थी अनुतिर्ण

साउन १८, सोलुखुम्बु । कक्षा–१२ को परीक्षामा कोशी प्रदेशबाट ३५ हजार विद्यार्थी अनुतिर्ण भएका छन् । राष्ट्रिय परीक्षा बोर्डले सार्वजनिक गरेको नतिजा अनुसार कोशी प्रदेशबाट ३५ हजार १ सय ३१ जना अनुतिर्ण भएका हुन् ।

यस्तै बागमती प्रदेशबाट ३८ हजार १ सय ४६ जना विद्यार्थीले फेल भएका छन्, भने लुम्बिनी प्रदेशबाट ३४ हजार ६ सय ८६ जना अनुत्तीर्ण भएको राष्ट्रिय परीक्षा बोर्डले जनाएको छ । यस्तै मधेश प्रदेशबाट २६ हजार ८६ जना, सुदूरपश्चिम प्रदेशबाट २१ हजार पाँच सय ८२ जना फेल भए भने गण्डकी प्रदेशबाट १६ हजार ३३ जना र कर्णाली प्रदेशबाट १५ हजार ३ सय ५७ जना विद्यार्थी अनुतिर्ण भएका छन् ।

परीक्षामा करिब ५३ प्रतिशत (५२.९१%) उत्तीर्ण भएका छन् । गत वैशाख १४ गतेबाट सञ्चालित कक्षा १२ को परीक्षामा ४ लाख ९१ हजार ६१ जना विद्यार्थी सहभागी थिए ।