ओखलढुङ्गाको हिलेपानीमा यात्रुबाहक सुमो दुर्घटना, १२ जना घाइते 

साउन १८, सोलुखुम्बु । ओखलढुङ्गाको हिलेपानी भन्ने स्थानमा टाटा सुमो दुर्घटना हुँदा १२ जना यात्रु घाइते भएका छन ।  ओखलढुङ्गाको मानेभञ्ज्याङ गाउँपालिका वडा नम्बर ५ स्थित जेरुङ भन्ने  स्थानमा दुर्घटनामा परेको हो ।

को १ ज २८३५ नम्बर को सुमो जिप विहीबार दिउँसो २ बजेर १० मिनेटको समयमा सिद्धिचरण राजमार्गबाट करिब १० मिटर तल खसेको थियो । दुर्घटनाबाट चालक मोरङको सुन्दर हरैँचा न.पा.६ का १९ वर्षीय सुमन लिम्बुको ढाड र दाहिने खुट्टा नचल्ने अवस्थाको घाइते भएका छन ।  

यस्तै घाइते हुनेहरु सोही ठाउँका ५० वर्षीय उदय लिम्बुको दाहिने पट्टीको चल्लीमा चोट लागेको छ  । दुर्घटनाबाट ओखलढुङ्गा चिशंखुगढी गाउपालिका १ बस्ने बर्ष २५ की राधिका राई, ८६ वर्षीय धनमाया मगर, मगरकै नाति २० को शेखर मगर, सोही स्थानकी २८ की सुनिता राई, उनको छोरा बर्ष ३ को कवाङ तामाङ, २५ वर्षीय  बेनि बहादुर कार्कीको, २१ वर्षीय किरण कार्की, ५६ वर्षीय सिता कुमारी निरौला, ६० वर्षीय  पेशल कुमार निरौला  र पहिचान नखुलेका १ यात्रु घाइते भएका छन । घाइतेहरूको उपचारका लागी मिसन अस्पताल ओखलढुङ्गा पठाइएको ओखलढुङ्गा प्रहरीले जनाएको छ ।