सोताङ अस्पातलका लागि प्लाइउड लिएर गएको ट्याक्टर दुर्घटना

भदौ ८, सोलुखुम्बु । सोलुखुम्बुको थुलुङ दुधकोशी गाउँपालिका वडा नम्बर ७ झोडेनी स्थित नेलेबाट सोताङ जाने भित्री कच्ची सडक खण्डमा ट्याक्टर दुर्घटनामा परेको छ । शनिबार बिहान ९ बजेको समयमा सोताङ अस्पातलका लागि प्लाइउड लिएर गएको ट्याक्टर दुर्घटनामा परेको हो ।

प्रदेश १०७००१ त ००३४ नम्बरको ट्याक्टर आफै अनियन्त्रित भई सडकमा कोल्टे परी पल्टिएको जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेले जानकारी दिनुभयो ।

घटना भएको जानकारी प्राप्त हुन साथ प्रहरी चौकी नेलेबाट प्रहरी सहायक निरीक्षक कमल बहादुर कटवालको कमाण्डमा प्रहरीको टोली खटी गई उक्त ट्याक्टर उठाएको जनाइएको छ । मानविय क्षति नभने र ट्याक्रमा भने सामान्य क्षति भएको प्रहरीले जनाएको छ ।