स्वमूल्यांकनमा ओखलढुगांको सिद्धिचरण नगरपालिका जिल्लाकै उत्कृष्ट

भदौ ८, सोलुखुम्बु । ओखलढुंगाको सिद्धिचरण नगरपालिका स्थानीय तह संस्थागत क्षमता स्वमुल्याङ्कन (लिजा) मा जिल्लाको स्थानीय तहमध्ये उत्कृष्ट स्थानीय तह भएको छ । संघीय मामिला तथा सामान्य प्रशासन मन्त्रालयले सावर्जनिक गरेको आर्थिक वर्ष २०७९/०८० को नतिजा अनुसार सिद्धिचरण नगरपालिका जिल्लाकै उत्कृष्ट स्थानीय तह भएको हो ।

गाउँ तथा नगरपालिकाको कार्य प्रकृया र उपलब्धिको लेखाजोखा गरी शासकिय प्रकृया र बिकास व्यवस्थापनमा गर्नु पर्ने सुधारका क्षेत्रहरु पहिचान गर्ने आवधिक समिक्षाको आधार प्राप्त गर्ने र स्थानिय सरकार बिच स्वस्थ प्रतिश्पर्धाको भावना जागृत गराउने उद्धेश्यले स्थानिय तह संस्थागत क्षमता स्वमुल्याङ्कन गरी आ व २०७९ /०८० को गुणस्तर परिक्षण कार्य सम्पन्न गरी नतिजा सार्वजनिक गरिएको मन्त्रालयले जनाएको छ ।

जिल्लाका ८ स्थानीय तहमध्ये सिद्धिचरण नगरपालिकाले स्थानीय तह संस्थागत क्षमता स्वमूल्याङकन लिजामा ८० दशमलब ७५ प्रतिशत ल्याएर जिल्लाकै उत्कृष्ट स्थानीय तह भएको हो । सिद्धिचरण नगरपालिकाले शासकिय प्रवन्धमा ९, संगठन तथा प्रशासन ७ दशमलव ७५,बार्षिक बजेट तथा योजना तर्जुमा व्यवस्थापन ८ दशमलव २५, वित्तिय एवम् आर्थिक व्यवस्थापन ८ दशमलव ७५, सेवा प्रवाह १३दशमलव २५,न्यायिक कार्य सम्पादन ७, भौतिक पुर्वाधार ८ दशमलव ७५,सामाजिक समावेशीकरण ८, वातावरण संरक्षण तथा बिपद् व्यवस्थापन ५ दशमलव २५ र समन्वय र सहकार्यमा ४ दशमलव ७५ गरी समग्र ८० दशमलव ७५ प्रतिशत अङ्क प्राप्त गरेको छ ।

त्यस्तै ७८ दशमलव ५० अंक प्राप्तगरी जिल्लाको मोलुङ गाउँपालिका दोस्रो भएको छ । त्यस्तै ७१ दशमलव ७५ अंक अंक प्राप्तगरी चम्पादेवी गाउँपालिका तेस्रो ७१दशमलव २५ चिशखुगढी चौथो ६९ दशमलव ५० अंक प्राप्तगरी पाँचौ ६८ दशमलव ७५अंक प्राप्तगरी सुनकोशी गाउँपालिका छैटौ ६२ दशमलव २५ अंक प्राप्तगरी मानेभञ्ज्याङ सातौ र ६१ दशमलव ५० अंक प्राप्त गरी लिखु गाउँपालिका आठौ भएको छ ।