स्वमूल्याङ्कनमा ओखलढुङ्गाकै पहिलो सिद्धिचरण नगरपालिका, ल्यायो ८० बढी अंक 

भदौ ९, सोलुखुम्बु  । स्थानीय तह संस्थागत क्षमता स्वमूल्याङ्कन (लिजा)ले सार्वजनिक गरेको नतिजा अनुसार गत आर्थिक वर्ष २०७९÷८० मा ओखलढुङ्गाको एक मात्र नगरपालिका सिद्धिचरण नगरपालिका पहिलो भएको छ ।

जिल्लाको आठ वटा स्थानिय तह मध्ये सिद्धिचरण नगरपालिका  ८०.७५ अंका प्राप्त गरेको छ यस्तै जिल्लका अन्य लिखु गाउँपालिकाले ६१.५० अंक प्राप्त गरेको छ । यसका साथै मोलुङ गाउँपालिकाले ७८.५०, चम्पादेवीले ७१.७५ र चिशंखुगढी गाउँपालिकाले ७१.५० अंक प्राप्त गरेका छन् । खिजीदेम्बाको ६९.५०, सुनकोशीले ६८.७५ र मानेभञ्ज्याङ गाउँपालिकाले ६२.२५ अङ्क ल्याएका छन् । स्थानीय तहहरूको शासकीय प्रबन्ध, सङ्गठन तथा प्रशासन, वार्षिक बजेट तथा योजना तर्जुमा व्यवस्थापन, वित्तिय एवम् आर्थिक व्यवस्थापन, सेवा प्रवाह, न्यायिक कार्य सम्पादन, भौतिक पूर्वाधार, समाजिक समावेशीकरण, वातावरण संरक्षण तथा विपद् व्यवस्थापन साथै सहकार्य र समन्वय लगायतमा मुल्यांकन भएको थियो ।

देशभरका स्थानीय तहमा संस्थागत क्षमता स्वमूल्याङ्कन कार्यान्वयनमा रहेको छ  । स्थानीय तह संस्थागत क्षमता स्वमूल्याङ्कन कार्यविधि, २०७७ जारी गरी सङ्घीय मामिला तथा सामान्य प्रशासन मन्त्रालयले स्थानीय तहको हरेक आर्थिक वर्षमा स्वमूल्याङ्कन गर्ने गर्दछ ।