सभापति शेर्पाको टोलीले गर्यो ५७ बाढी पीडित परिवारलाई राहत रकम वितरण

भदौ ९, सोलुखुम्बु ।  थामे बाढी पीडितका लागी राहत रकम लिएर गएको टोलीले राहत वितरण गरिसकेको छ ।  सोलुदुधकुण्ड नगरपालिका र पाइला पाइलाको समान १०/१० लाख सहित अन्य १ लाख गरि २१ लाख रुपैयाँ राहत थामे बाढी पीडितलाई वितरण गरिसकिएको हो ।

 नेपाली काङ्ग्रेसका सभापति एवं सोलुदुधकुण्ड नगरपालिकाका प्रमुख नाम्गेल जाङबु शेर्पाको नेतृत्वमा राहत रकम लिएर गएको टोलीले २० लाख ९५ हजार रुपैयाँ राहत क्षतीको प्रकउति अनुसार ३ वर्ग (अति, आंशिक र कम प्रभावित)मा विभाजन गरि वितरण गरिएको छ ।  सभापति शेर्पा नेतृत्वको टोलीले ५७ परिवारलाई राहत वितरण गरेको छ । त्यो मध्ये २३ पिडित परिवारलाई प्रति प्ररिवार ५५ हजार का दरले १२ लाख ६५ हजार, १८ पिडित परिवारलाई १५ हजार का दरले २ लाख ७० हजार राहत वितरण गरेको छ ।

यस्तै आंशिक प्रभावित १६ परिवारलाई प्रति परिवार ३५ हजार रुपैयाँका दरले ५ लाख ६० हजार गरि २० लाख ९५ हजार रुपैयाँ राहत वितरण गरिएको सोलुदुधकुण्ड नगरपालिकाका प्रवक्ता फुर्वा ग्याल्जेन शेर्पाले बताउनुभयो । राहत वितरणका लागी सोलुदुधधकुण्ड नगरपनलिकाका मेयर शेर्पा सहित नगरपालिकाका प्रमुख प्रशासकीय अधिकृत कोपिला राई सम्मीलित टोली थामे गएको थियो । गत साउन ३२ गते खुम्बु पासाङ ल्हामु गाउँपालिका वडा नम्बर ५ थामेमा गाउँमाथिबाट हिमताल फुटेर आएको बाढीले एउटा विद्यालय, एउटा स्वास्थ्य चौकी, २ वटा होटल, १३ वटा घर पूर्ण र १० वटा घर आंशिक रूपमा क्षति भएको थियो । ९५० किलोवाट क्षमताको जलविद्युत् परियोजनामा समेत क्षति पुगेको थियो ।