राधाकृष्ण रथयात्राको अवसरमा आज कोशी प्रदेशभर सार्वजनिक बिदा

भदौ ११, सोलखुम्बु । विराटनगरमा निकालिने राधाकृष्ण रथयात्राका लागि कोशी प्रदेश सरकारले प्रदेश भरि सार्वजनिक बिदा दिएको छ । श्रीकृष्ण जन्माष्टमीको भोलिपल्ट आज निकालिने रथयात्रा मंगलबार दिउँसो ३ बजे निकालिने छ ।

विराटनगरको रथयात्राका लागि प्रदेश सरकारले १४ वटै जिल्लामा बिदा दिएको हो । विराटनगरको रथयात्रामा हजारौँको सहभागिता हुन्छ । विराटनगर महानगरपालिका–१ स्थिति राधाकृष्ण मन्दिरबाट विक्रम संवत् १९८८ सालदेखि ‘खट’ यात्रा सुरु भएको थियो, २०२५ सालबाट रथयात्रा निकाल्न थालिएको थियो ।

तत्कालीन मुख्यमन्त्री केदार कार्की नेतृत्वको सरकारले २०८० चैत ९ गते राधाकृष्ण रथयात्रामा बिदा दिने निर्णय गरेपछि रथयात्रामा सार्वजनिक बिदा दिन थालिएको छ । प्रदेश सरकारले राजपत्रमा सूचना प्रकाशित गरेर ६ वटा बिदा दिँदै आएको छ ।