फाप्लु सामुदायिक विद्यालय जेको कन्नरमा चरम लापरबाही, अभिभावकले बुझाए १० बुदे माग सहितको ज्ञापन पत्र 

भदौ ११, सोलुखुम्बु ।  फाप्लु सामुदायिक विद्यालयको चरम लापरबाही बाहिर आएको छ । शेर्पा एजुकेसन फाउण्डेसनको सहयोगमा सञ्चालित उक्त विद्यालयको पछिल्लो गतिविधि विद्यार्थी हितमा नभएको भन्दे चौतर्फी आलोचना भइरहेको छ ।  

विगत लामो समय देखी विभिन्न खाले विवाद र समस्याले ग्रसित विद्यालयमा पछिल्लो समय भने अभिभावक आफै जुरुक्क उठेर गएर विद्यार्थीको भविष्य प्रति विद्यालय गम्भीर नभएको जिकिर गरेका छन् ।  परीक्षाको नतिजा सार्वजनिक नगरेको, विद्यार्थीलाई भौतिक यातना दिएको, शिक्षकहरू बर्खास्त गर्दै  पठनपाठनमा समस्या निम्त्याएको, सरकारले दिएको सार्वजनिक बिदा बाहेकका दिन पनि १० औँ दिन सम्म शिक्षकहरू बिदा बस्न थालेपछी मङ्गलबार अभिभावकहरू विद्यालयमै पुगेर विद्यालय प्रशासनलाई ध्यानाकर्षण गराएका छन् ।  

उनीहरूले विद्यालयमा आफ्ना नानीबाबुहरू पढाएर धोका पाएको भन्दै अलपत्र पारिएको जनाएका हुन ।  आज विज्ञप्ति लिएर विद्यालय पुगेका अभिभावकहरूले विभिन्न १० बुँदे माग राख्दै माग पुरा नगरे चरणवद्ध आन्दोलन गर्ने तर त्यो भन्दा अगाडी विद्यालयमा तालाबन्दी गर्ने जनाएका छन् । उनीहरूले विद्यालयका निमित्त प्रधानाध्यापक खुमराज पौडेललाई ज्ञापन पत्र बुझाउँदै १० बुँदे माग राखेका छन ।

राम्रा शिक्षकहरूलाई विभिन्न प्रतिशोध साँधेर निकालिएको भन्दै विद्यार्थीहरू पनि विद्यालयमा राम्रो पढाइ नहुने बताउँछन् ।  विद्यालयमा भएको बेथितिको अनुगमन गर्न गएका वडा अध्यक्ष तथा वडा शिक्षा समितिका संयोजक युवास तामाङले आफू विद्यालयको समस्याका बारेमा जानकार रहेको र छिट्टै आवश्यक कदम चाल्ने बताउनुभएको छ ।