नेपालको पहिलो बैंक नेपाल बैंक ८८ औँ वर्षमा प्रवेश, सल्लेरीमा मनाइयो वार्षिक उत्सव 

कार्तिक ३०, सोलुखुम्बु । नेपालको पहिलो बैँक नेपाल बैँक लि. ले शुक्रबार (आज) ८८ औँ वार्षिक उत्सव मनाउँदै छ ।  देशैभर बैंकले आज विभिन्न कार्यक्रम गरि वार्षिक उत्सव मनाउँदै गरेको हो ।  यसैक्रममा हिमाली जिल्ला सोलुखुम्बुमा पनि नेपाल बैंक लि. शाखा कार्यालय सल्लेरीले बार्षिक उत्सव मनाएको छ ।

 शाखा प्रबन्धक लिलामणि चापागाइँको अध्यक्षतामा शाखा कार्यालयमा वार्षिक उत्सव मनाइएको हो ।  उक्त अवसरमा आयोजित एक कार्यक्रममा राष्ट्रिय वाणिज्य बैंक सल्लेरी शाखाका शाखा प्रबन्धक सुवास निरौलाले नेपालमा बैङ्किङ क्षेत्रको अग्रणी बैँक नेपाल बैंक भएको भन्दै सबै बैंकहरुको उद्गम स्थलनै नेपाल बैंक भएको बताउनुभयो । उहाँले सेवा प्रवाहलाई चुस्त दुरुस्त बनाउँदै बैंकहरुले सेवाग्राहीहरूकाे हितमा काम गर्नुपर्ने भन्दै नेपाल बैंकलाई शुभकामना व्यक्त गर्नुभयो ।

 कार्यक्रममा बोल्दै सोलुदुधकुण्ड नगरपालिकाका कार्यपालिका सदस्य निरकुमार नेपालीले नेपाल बैंक लि. को सेवा अन्य बैंकहरुको तुलनामा प्रभावकारी र छरितो रहेको दावी गर्नुभयो ।  यस्तै शाखा प्रबन्धक चापागाँईले गुनासो रहित सेवा प्रवाहमा नेपाल बैंक लागी परेको भन्दै सेवालाई परिष्कृत गर्दै लैजान आफू सहित शाखा टिमनै लागी परिरहेको बताउनुभयो ।  नेपालमा बैङ्किङ क्षेत्रको इतिहासमा एक इतिहास रच्दै १९ सय ९४ कार्तिक ३० गतेका दिन स्थापना भएको थियो ।  बैंकले देशका ७१ जिल्लामा शाखा विस्तार गरी कारोबार तथा बैकिङ्ग सेवा  दिइरहेको छ ।ियि जिल्लाका २ सय २९ शाखा, ६० एक्स्टेन्सन काउन्टरसहित २५ लाखभन्दा धेरै ग्राहकलाई सेवा दिइरहेको  छ ।