कार्तिक ३०, सोलुखुम्बु । हिमाली जिल्ला सोलुखुम्बुमा एभरेस्ट मेराथुन ट्रेल रेस प्रतियोगिता सुरु भएको छ । अन्नपूर्ण ट्रेक एण्ड स्पिडिसिन कम्पनीको आयोजनामा शुक्रबारबाट रेस प्रतियोगिता सुरु भएको हो । नेपाली साहसिक पर्यटकीय गतिविधिको विश्वभर प्रवर्धन गर्ने उद्देश्यले एभरेस्ट ट्रेल रेसको आयोजना गरिएको जनाईएको छ ।
सोलुखुम्बु र ओखलढुंगाको सिमाना रहेको ढापबाट १ सय ७० किलोमिटर लामो यो दौडमा ४ देशका २२ जना धावक सहभागी रहेको सो ट्रेल रेसमा ६ नेपालीमात्रै सहभागी रहेको बताईएको छ । पर्यटन वर्ष २०११ देखि एभरेस्ट ट्रेल रेस शुरु भएको हो । ६ दिनसम्म चल्ने दौडमा निर्धारित एक सय ७० किलोमिटर दुरीमध्ये ३३ किलोमिटर दुरी उकालो–ओरालो मात्रै रहेको छ ।
प्रतियोगितामा प्रथम, द्वितिय र तृतिय हुने धावकहरुले क्रमश : २ लाख, १ लाख ५० हजार र १ लाख रुपैयाँ प्राप्त गर्ने अन्नपूर्ण ट्रेक्स एन्ड एक्पिसडिशन प्रालिका कार्यकारी निर्देशक कामी शेर्पाले जानकारी दिनुभयो ।
सोलुखुम्बुको पत्ताले धापबाट शुरु भएको दौड पिके डाँडा, जुनबेसी, थुप्तेनछोलिङ, रिङमु, टाक्सिन्दु, खरीखोला, फाक्दिङ, नाम्चे हुँदै फोर्चे पुगेर त्यहाँबाट खुम्जुङ हुँदै नाम्चेबाट लुक्लामा समापन हुने जनाइएको छ ।
Discussion about this post