माघ २०, सोलुखुम्बु । आज कोशी, बागमती र गण्डकी प्रदेशको पहाडी क्षेत्रमा मौसम आंशिक बदली छ । तराईका धेरै ठाउँमा आज पनि कुहिरो लागेको छ । अरू देशका बाँकी भागमा मौसम सफा नै रहेको जल तथा मौसम पूर्वानुमान महाशाखाले जनाएको छ ।
अहिले पश्चिमी वायुको सामान्य प्रभाव छ । काठमाण्डौ उपत्यकामा पनि मौसम सफा नै छ । आज काठमाण्डौको न्यूनतम तापक्रम केही घटेको छ । बिहान पौने ६ बजे काठमाण्डौको न्यूनतम तापक्रम ४ दशमलव ५ डिग्री सेल्सियस मापन भएको छ ।
हिजोको तुलनामा आज बिहानपख काठमाण्डौमा चिसो अलि बढी भएको हो । हिजो बिहानको न्यूनतम तापक्रम ५ दशमलव ८ डिग्री सेल्सियस थियो । आज काठमाण्डौमा अधिकतम तापक्रम २० देखि २२ डिग्री सेल्सियसकाबीच रहने अनुमान छ ।
Discussion about this post