कोशी प्रदेश प्रहरीका डिआइजी अधिकारी सोलुखुम्बुमा 

चैत्र ९ ,सोलुखुम्बु । कोशी प्रदेशका प्रदेश प्रहरी महानिरीक्षक डिआइजी राजन अधिकारीले सोलुखुम्बुको प्रहरी कार्यालय निरीक्षण अवलोकन भ्रमण गर्नुभएको छ ।  उहाँले हिमाली जिल्ला सोलुखुम्बुको प्रहरी कार्यालय भ्रमण गर्दै यहाँको शान्ति सुरक्षा र सुरक्षा अवस्थाको बारेमा जानकारी लिनुभएको हो ।

सोलुखुम्बु, खोटाङ लगायत ओखलढुङ्गा जिल्लाका प्रहरी कार्यालय अवलोकन भ्रमणमा आउनुभएका प्रहरी प्रमुख अधिकारीले कार्यालयको वस्तुस्थिति बुझ्दै उहाँले कोशी प्रदेश प्रहरी मातहतका कार्यालयहरूले शान्ति सुरक्षामा अव्बल रहेको जिकिर गर्नुभएको छ ।  उहाँले प्रदेशलाई अपराध मुक्त प्रदेश बनाउन प्रहरी लागी परिहेको पनि जिकिर गर्नुभयो ।

 डिआइजी अधिकारीले हिमाली जिल्ला सोलुखुम्बु विपदको हिसाबले जोखिमयुक्त जिल्ला भएकाले यहाँ सोही किसिमको सुरक्षा योजना निर्माण गर्नुपर्ने उल्लेख गर्नुभयो । उहाँले कोशी प्रदेशमा लागू औषध नियन्त्रण, सिमा सुरक्षा लगायतका विषयमा प्रहरीले विशेष काम गरिरहेको बताउनुभयो ।  डिआइजी अधिकारीलाई साेलुखुम्बुका प्रहरी प्रमुख डीएसपी द्वारीका प्रसाद घिमिरेले यहाँको वस्तुस्थितिबाट विषयमा, सुरक्षा व्यवस्थाका विषयमा ब्रिफिङ गर्नुभएकाे थियो ।