खोटाङमा चट्याङ लागेर एक महिलाको मृत्यु 

चैत्र ९, सोलुखुम्बु ।  खोटाङमा चट्याङबाट एक जनाको ज्यान गएको छ ।  जिल्लाको केपीलासगढी गाउँपालिका वडा नम्बर ७ मा शनिबार परेको चट्याङले एक जनाको ज्यान गएको हो । जिल्ला प्रहरी कार्यालय खोटाङका अनुसार मृत्यु हुनेमा दिलकुमारी राई रहेकी छन् ।  शनिबार बिहान पानी परेपछि घर बाहिर रहेको सामान उठाउन निस्किएकी दिलकुमारीलाई चट्याङ लागेको थियो ।  शनिबार बिहान करिव ४ः३० बजेको समयमा उनी घर बाहिर निस्किएको र सोही समयमा चट्याङ पर्दा मृत्यु भएको मृतक राईका हर्कराज राईलाई उदृत गर्दै वडा अध्यक्ष वडा अध्यक्ष तेजकुमार राईले बताउनुभयो ।