खोटाङमा ट्याक्टर दुर्घटना हुँदा एकको मृत्यु, दुई जना घाइते

बैशाख १७, सोलुखुम्बु । खोटाङको बराहपोखरी गाउँपालिका वडा नम्बर ६ मौवाबोटेमा मंगलबार राति साढे ९ बजे ट्याक्टर दुर्घटनामा एक जनाको मृत्यु भएको छ। दुर्घटनामा अन्य दुई जना घाइते छन् । चिसापानीबाट बंशिलाघाट तर्फ गोलिया काठ बोकेर जादै गरेको प्र–२–०३–००१ त ८१८८ नम्बरको ट्याकटर आफै अनियन्त्रीत भई सडकबाट करिब १०० मिटर तल खसेर दुर्घटना भएको हो ।

मृत्यु हुनेमा सोही ट्याक्टरमा सवार खोटाङको जन्तेढुङगा गाउँपालिका ५ का २१ बर्षिय रोशन वि.कको उपचारको लागि अस्पताल तर्फ लैजादै गर्दा बाटोमा मृत्यु भएको हो । ट्याकटर चालक जिल्ला खोटाङ जन्तेढुङगा ४ का २२ बर्षिय सुमन दाहालको टाँउको, दुबै खुट्टा र शरीरको विभिन्न भागमा चोट लागेको छ, भने सहचालक तेह्रथुम लालिगुरास नगरपालिका वडा नं. २ का १६ बर्षिय निर्मल गुरुङको टाँउको र शरीरको विभिन्न भागमा चोट लागेको जिल्ला प्रहरी कार्यालय खोटाङले जनाएको छ । घाईते दुबैको उपचारको लागी धरान घोपा पठाईएको र घाईते दुबैको अवस्था तत्काल बोल्न सक्ने मध्यम रहको प्रहरीले जनाएको छ ।