प्रधानमन्त्री ओलीद्धारा कोशी लगानी सम्मेलनको उद्घाटन, ७१ वटा परियोजना तय

बैशाख १७, सोलुखुम्बु । कोशी प्रदेशको राजधानी विराटनगरमा आयोजना हुन लागेको कोशी लगानी सम्मेलनको उद्घाटन प्रधानमन्त्री केपी शर्मा ओलीले गर्नुहुने भएको छ । सम्मेलनका बारेमा जानकारी गराउन बुधबार आयोजना गरिएको पत्रकार सम्मेलनमा ७१ वटा परियोजनाहरू प्रस्तुत गरिने लगानी प्राधिकरणका प्रमुख कार्यकारी निर्देशक डा.सरोज कोइरालाले जानकारी दिनुभयो ।

आज र भोली दुई दिनसम्म चल्ने सम्मेलनको अनुमानित लागत १ खर्ब ७३ अर्ब ४९ करोड रुपियाँ रहेको छ । पर्यटन, कृषि, ऊर्जा, पूर्वाधार, उद्योग, सूचना प्रविधि लगायतका क्षेत्रका परियोजनाहरूको सोकेसिङ गरिने कोइरालाको भनाइ छ । चीन, रुस, अमेरिका, दक्षिण कोरिया, भारतसहितका विभिन्न देशका लगानीकर्ता, गैरआवासीय नेपाली र स्वदेशी उद्योगपतिहरू सम्मेलनमा सहभागी हुँदै छन् ।

विभिन्न ६ वटा विषयगत सत्रहरू सञ्चालन हुने सम्मेलनबाट कम्तीमा २ दर्जन परियोजनामा प्रारम्भिक सम्झौता भई कार्यान्वयन अघि बढ्ने अनुमान प्रदेश सरकारले गरेको छ ।