सोलुदुधकुण्ड नगरपालिकाको ६ नम्बर वडा पूर्ण खोप सुनिश्चित घोषणा

बैशाख १७, सोलुखुम्बु । सोलुखुम्बुको सोलुदुधकुण्ड नगरपालिकाको ६ नम्बर वडालाई पूर्ण खोप सुनिश्चित घोषणा गरिएको छ । बुधबार सोलुदुधकुण्ड नगरपालिका ६ दोर्पु वडा कार्यालयलाई पूर्ण खोप सुनिश्चितता वडा घोषणा गरिएको हो ।

वडामा पूर्ण खोप प्राप्त गर्ने १५ देखि ५९ महिनासम्मका र नियमित खोप पाइरहेका बालबालिकाको संख्या ७० रहेको र कुनै बालबालिका खोपमा छुट भएको नभेटिएको वडा अध्यक्ष फुर्वा ग्याल्जेन शेर्पाले जानकारी दिनुभयो । उहाँले खोपकार्ड नभएका बालबालिकालाई खोप कार्ड उपलब्ध गराइएको र हरेक बालबालिकाहरूले पूर्ण खोप प्राप्त गरेको जानकारी दिनुभयो ।