बैशाख १९, सोलुखुम्बु । नेपाली काँग्रेसका जेष्ठ राजनीतिज्ञ, सभा सदस्य तथा समाजसेवी शताब्दी पुरुष स्वर्गीय गणेश बहादुर बस्नेतको सम्मानमा श्रद्धाञ्जली सभा आगामी बैशाख २२ गते आयोजना गरिने भएको छ । उक्त कार्यक्रम नेपाली काँग्रेस वडा कार्यसमिति, थुलुङ दुधकोशी गाउँपालिका–२ कांगेलको आयोजनामा सोलुखुम्बुमा सम्पन्न हुनेछ ।
श्रद्धाञ्जली सभामा नेपाली काँग्रेस केन्द्रीय कार्यसम्पादन समिति सदस्य बल बहादुर के.सी. प्रमुख अतिथि रहनेछन् भने सोलुखुम्बु जिल्लाका नेता तथा कार्यकर्ताहरूको व्यापक उपस्थिती रहने अपेक्षा गरिएको छ । पूर्व उपसभापति समेत रहनुभएका बस्नेतको गत फागुन २७ गते निधन भएको थियो ।
उहाँलाई नेपाली काँग्रेसको राजनीतिमा दीर्घ योगदान पुर्याउने नेतृत्वदायी व्यक्तित्वको रूपमा चिनिन्छ । कार्यक्रमको जानकारी दिँदै नेपाल दरुण दलका केन्द्रीय सदस्य अश्विन बाबु थापाले सबै नेपाली काँग्रेसका शुभेच्छुक, नेता तथा कार्यकर्तालाई श्रद्धाञ्जली सभामा सहभागी भई स्वर्गीय बस्नेतप्रति श्रद्धासुमन अर्पण गर्न अनुरोध गर्नुभएको छ ।
Discussion about this post