एभरेष्ट म्याराथनको उपाधी अर्जुन र लाक्पा ङिमालाई

अन्तर्राष्ट्रि सगरमाथा दिवसको अवसरमा आयोजित तेन्जिङ हिलारी माउण्ट एभरेष्ट म्याराथुनमा सोलुखुम्बुको महाकुलुङका अर्जुनकुमार कुलुङ विजेता बनेका छन् । सगरमाथा आधारशिविर देखि नाम्चेसम्मको ४२ किलोमिटरको दुरी ३ घण्टा ५२ मिनेट ९ सेकेण्डमा पार्दै कुलुङ विजेता बनेका हुन् । त्यस्तै, म्याराथुनमा महाकुलुङ सुमन कुलुङले निर्धारित दुरी ३ घण्टा ५३ मिनेट २७ सेकेण्डमा पारे गरेर दोश्रो भएका छन् ।

सोलुखुम्बुकै राम कुमार राजभण्डारीले ४ घण्टा ७ मिनेट ४० सेकेण्डमा दुरी पार गर्दै तेश्रो भएका छन् । २ सय १६ जना नेपाली र विदेशी धावक सहभागी म्याराथुनको आयोजना हिमालयन एक्सपिडिसनले गरेको सगरमाथा प्रमुदषण नियन्त्रण समितिका अध्यक्ष लामाकाजी शेर्पाले जानकारी दिनुभयो ।

त्यस्तै ४२ किलोमिटरको महिला तर्फ नेपाल प्रहरीकी लाक्पा ङिमा शेर्पाले निर्धारित दुरी ४ घण्टा ४२ मिनेटमा दुरी पार गर्दै प्रथम भएकी छिन् । त्यस्तै प्रिया राईले ५ घण्टा १ मिनेट २२ सेकेण्डमा दुरी पार गर्दै दोश्रो स्थान ओगटेकी छिन् । तेश्रोको लागि दौड भईरहेको जिल्ला प्रहरी कार्यालयका प्रमुख डिएसपि द्वारिका प्रसाद घिमिरेले जानकारी दिनुभयो । हरेक बर्ष एभरेष्ट म्याराथुनको आयोजना गरिँदै आएको छ ।