सोलुखुम्बु कारागारमा आगजनी, ८६ जना कैदीबन्दी फरार

भदौ २४, सोलुखुम्बु । सोलुखुम्बु कारागारमा आज दिउँसो ठूलो अराजकता सिर्जना भएको छ। कैदीबन्दीहरूले कारागारमा आगजनी गरी तोडफोड गरेका छन् भने ८६ जना कैदीबन्दी फरार भएका हुन् । जिल्ला प्रहरी कार्यालय सोलुखुम्बुका प्रहरी नायव उपरीक्षक (डीएसपी) मनोजित कुँवरका अनुसार, दिउँसादेखि सुरु भएको कैदीबन्दीहरूको विरोध झनै उग्र बनेपछि उनीहरूले साँझपख कारागारमा तोडफोड गर्दै भाग्न सफल भएका हुन् ।

देशभरका विभिन्न कारागारमा भएको विद्रोहसँगै सोलुखुम्बुमा पनि यस्तै घटना दोहोरिएको देखिन्छ । अन्य जिल्लाका कारागारहरूमा पनि कैदीहरू भागेको विवरण सार्वजनिक भइसकेको अवस्थामा सोलुखुम्बुमा भएको यो घटना थप चासोको विषय बनेको छ । सुरक्षा व्यवस्था कडा पारिएको जिल्ला प्रशासनले जनाएको छ भने कारागारको क्षतिको मूल्याङ्कन तथा भागेका कैदीहरूको पहिचान कार्य तीव्र पारिएको छ ।