खुम्बुबाट घर फर्कने क्रममा थुलुङका सन्तोष राई सम्पर्कविहीन

सोलुखुम्बु, असोज २२ । सोलुखुम्बुको थुलुङ दुधकोशी गाउँपालिका–८, दिप्नीका सन्तोष राई सम्पर्कविहीन भएपछि परिवारले खोजीमा सहयोग गरिदिन सबैसँग आग्रह गरेको छ। खुम्बु क्षेत्रमा खच्चरमार्फत सामान ढुवानीको काम गर्दै आएका रामकुमार राईका छोरा सन्तोष भदौ १७ गते खुम्बुबाट परिवारको सम्पर्कमा आएका थिए।

घर फर्कने क्रममा भदौ १८ गतेसम्म फोन सम्पर्कमा रहेका उनी त्यसपछि भने सम्पर्कविहीन भएको आफन्त अर्जुन राईले जानकारी दिनुभयो। सन्तोष सम्पर्कविहीन भएपछि परिवारले आफन्त, स्थानीयवासी तथा सम्बन्धित सबैलाई उनको खोजीमा सहयोग गरिदिन अनुरोध गरेको छ। परिवारका अनुसार उनको अवस्था र सम्भावित स्थानबारे कुनै जानकारी प्राप्त भए तत्काल खबर गरिदिन आग्रह गरिएको छ।

सन्तोषलाई कतै देखेमा वा उनको अवस्थाबारे जानकारी भए ९७६६७१२०५, ९७४६९९९१९३, ९७६७३३८८४५ वा ९८६०८६८६९८ नम्बरमा सम्पर्क गरिदिन परिवारले अनुरोध गरेको छ।