साेताङका विपन्न परिवारलाई ६ लाखका हिल ट्याङ्की 

जेठ २१, सोलुखुम्बु ।  खानेपानीको समस्या रहेको वडाका विपन्न परिवारलाई ट्याङ्की वितरण गरिने भएको छ । वर्षौ देखी खानेपानीको समस्या भोग्दै आएको सोलुखुम्बुको सोताङ गाउँपालिका वडा नम्बर ३ का विद्यालय, स्वास्थ्य चौकी, क्लब तथा समुह र विपन्न परिवारकालाई वितरण गर्नका लागी ३५ ओटा हिल ट्याङ्की ल्याइएको छ ।

गाउँपालिका र वडाको संयुक्त ६ लाख ५० हजार रुपैयाँ बजेटमा खानेपानीका ट्याङ्की खरिद गरि वडामा ल्याइसकिएको र अव चाँडै वितरण गरिने वडा अध्यक्ष गोकर्ण बस्नेतले बताउनुभयो । वडा भित्र रहेका विद्यालय, स्वास्थ्य संस्था, सार्वजनिक शौचालय , वाल क्लबहरू मा पानीको अभाव खड्किरहने भएकाले पानीको आपुर्तिका लागी ट्याङ्की उपलब्ध गराइने भएको हो ।

विपन्न परिवार पहिचान गरेर उनीहरूलाई पनि ट्याङ्की उपलब्ध गराउँदै प्रसस्त खानेपानीको व्यवस्थापन गरिने उहाँले बताउनुभएको छ ।  वडामा निर्माणधीन अवस्थामा रहेको ठुलो पँधेरो खानेपानी आयोजना मार्फत ३० हजार लिटरको रिजर्भ ट्याङ्की सहितको खानेपानी आयोजना सम्पन्न हुन लागेकाले यसले पूर्णता पाएपछि वडामा खानेपानीको समस्या केही हद सम्म समाधान हुने उहाँको भनाई छ ।

कोशी प्रदेश सरकार र सोताङ गाउँपालिकाको आर्थिक लगानीमा निर्माणाधीन उक्त खानेपानी वितरणका लागी  ४ हजार मिटर पाइप समेत वडामा ल्याइएको छ ।  एक घर एक धारो कार्यक्रमको अवधारण अनुरूप  अव नागरिकको घरघरमै खानेपानी पुग्ने सोताङ गाउँपालिकाका अध्यक्ष खिलाराज बस्नेतको भनाई छ ।  उहाँले गाउँपालिकामा खानेपानीका लागी अन्य विभिन्न योजना हरू सम्पन्न हुने चरणमा रहेका जानकारी