जनजागृती आविका विद्यार्थी सडकमा

जेठ २१, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ५ स्थित जनजागृति आधारभूत विद्यालयका विद्यार्थी सडकमा निस्केका छन् । सोमबार नगरपालिकालाई सफा र सुन्दर नगर बनाउन जनजागृति आधारभूत विद्यालयका विद्यार्थीहरु सडकमा निस्केका हुन् । सरसफाई तथा वातावरण शाखाको समन्यवमा सल्लेरी बजार क्षेत्र भित्र विद्यार्थीलाई जथाभावी फोहोर फ्याक्न नहुने कुरा सिकाउने उदेश्यले विद्यार्थीलाई सरसफाइमा निकालिएको जनजागृती आधारभूत विद्यालयका शिक्षिका सुनदिरा राईको भनाई छ ।

विद्यालय वरपर, बजार क्षेत्र आसपास फोहोर हुदाँ प्रत्यक्ष असर पर्ने भएकाले जो कोहिले पनि सरसफाई गर्नुपर्ने विद्यार्थीद्वय युनिसा तामाङ र फुर्वा छिरीङ तामाङको भनाई छ । यस्तै सोलुदुधकुण्ड नगरपालिकाकी सरसफाई तथा वातावरण शाखा प्रमुख मुना खत्रीले नगरलाई सफा र सुन्दर बनाउनका लागि अहोरात्र खटिरहेको बताउनुभयो ।