पर्यटन प्रवर्द्धन र बुद्ध पार्क निर्माणका लागी खर्च जुटाउन नेपालमै पहिलो पटक टिकटक लाइभ हुने

कार्तिक १३, सोलुखुम्बु । नेपालमै पहिलो पटक पर्यटन प्रवद्र्धन र बुद्धको मुर्ति निर्माणका लागी टिकटक बिग म्याच हुने भएको छ ।  समाजसेवी एसी शेर्पाको पहलमा साेलुखुम्बुका प्रसिद्ध पर्यटकीय गन्तव्य पिके पिकको पर्यटक प्रवर्द्धन र बुद्ध पार्क निर्माणका लागी नोभेम्बर १ का दिन अर्थात कार्तिक १५ गते विश्वव्यापी रुपमा टिकटक लाईभ हुने भएको हो । समाजसेवी एसी शेर्पाको पहलमा हुने टिकटक लाइभमा गिफ्ट मार्फत उठेको पैशाले सोलुखुम्बु र ओखलढुंगाको विचमा रहेको पिके क्षेत्रमा निर्माण हुने विश्व शान्तिका अग्रदूत बुद्धको मुर्ति तथा पार्क निर्माणका खर्च गरिने भएको छ ।  

कार्तिक १५ गते नेपाली समय अनुसार राती १०ः ४५ बजे टिकटक लाइभ सुरु हुने छ । यस्तै भारतमा स्थानीय समय अनुसार १० बजेर १५ मिनेटमा, पाकिस्तानमा राती ९ः३० बजे, अमेरिका र क्यानडामा दिउँसोको १२ बजे, युकेमा अपरान्ह ४ बजे, दुबईमा राती ८ बजे, सिङ्गापुरमा मध्यरातको १२ बजे लाइभ हेर्न सकिने छ ।  यस्तै मलेसियामा पनि मध्यरातको १२ बजे र थाइल्याण्डमा राती ११ बजेबाट लाइभ सुरु हने जनाइएको छ ।  बुद्ध पार्क निर्माण तथा पर्यटन प्रवर्द्धनका लागी समाजसेवी एसी शेर्पाले गर्ने लाइभमा सहभागी भई नेपालका लागी नेपालीहरूले योगदान गर्नुपर्ने बताइएको छ । यसरी सामाजिक विकासका लागी देशमै पहिलोपटक टिकटक लाइभ हुन लागेको हो ।