कक्षा १२ को परीक्षा भोलीबाट, सबै तयारी सकियो

बैशाख १३, सोलुखुम्बु । हिमाली जिल्ला सोलुखुम्बुबाट यस पटक १५ सय ३१ विद्यार्थीले कक्षा १२ को परीक्षा दिदैँ छन् । भोली १४ गतेबाट सुरु हुने परीक्षामा जिल्लाभरका १५ सय ३१ विद्यार्थी सहभागी हुने जनाइएको हो । शिक्षा विकास तथा समन्वय इकाई सोलुखुम्बुका अनुसार यि विद्यार्थीले जिल्लाभरका ९ वटा परीक्षा केन्द्रहरुबाट परीक्षा दिने छन् ।

कार्यालयले परीक्षा सञ्चालनका लागी आवश्यक काम गर्नुपर्ने जिम्मेवारी पाएकाले यस पटकको परीक्षा सञ्चालनको स्म्पुर्ण तयारी भइसकेको पनि जनाएको छ । भोलीबाट हुने परीक्षाको केन्द्रहको अनुगमन, केन्द्राध्यक्ष नियुक्ती जस्ता कामहरु सम्पन्न भइसकेबको कार्यालय प्रमुख पुण्यराज डंगोलको भनाई छ । यस बाहेक प्रश्नपत्र छपाई भइसकेर जिल्लामा आइसकेको, उत्तर पुस्तीकाहरु परीक्षा केनद्र पठाइसकिएको पनि उहाँको भनाई छ ।

परिक्षा सञ्चालन कार्यक्रम मर्यादित र अनुशासीत बनाउने कुरामा पनि कार्यालयले सम्पुर्ण व्यवस्थापन सम्पन्न गरिसकेको जनाइएको छ । यस पटकको परीक्षामा नियमित तर्फका ९ सय ९४ जना, आंशिक तथा ग्रेड वृद्धितर्फका ५ सय ३७ जना परीक्षार्थीहरूले परीक्षा दिने शिक्षा इकाइले जनाएको छ । परीक्षा बिहान ८ बजेदेखि ११ बजेसम्म सञ्चालन हुने छ ।