माप्यदुधकोशी गाउँपालिकामा अत्याधुनिक प्रविधिमा आधारित बाढी सम्बन्धि पुर्वसुचना प्रणाली जडान

बैशाख १३, सोलुखुम्बु । सोलुखुम्बुको माप्यदुधकोशी गाउँपालिकामा अत्याधुनिक प्रविधिमा आधारित बाढी सम्बन्धि पुर्वसुचना प्रणाली जडान कार्य सम्पन्न भएको छ । नेपाल सरकार सूचना तथा संचार प्रविधि मन्त्रालयको समन्वय, एसिया प्यासिफिक टेलिकम्युनिकेसन्सको आर्थिक सहयोग तथा KDDI फाउन्डेशन जापानको व्यवस्थापनमा गाउँपालिकामा पुर्वसूचना प्रणाली जडान भएको हो ।

नेपालस्थित ICT4D ले संचालन गरेको Integrated LoRaWAN Edge Computing Early Warning System Project मार्फत गाउँपालिका भएर बहने दुधकोशी नदिको छिर्दी पुल जुभिङ तथा कायाखेत वाकु पुलमा सूचना प्रणाली सफलतापुर्वक जडान गरिएको छ । त्यस्तै बाढी पुर्व सुचना प्रणाली बाहेक माप्यदुधकोशी गाउँपालिकामा रहेको प्राथमिक अस्पतालमा बातावरणीय अवस्था मुल्याङ्क सुचना प्रणाली जडान भएको ICT4D का कार्यकारी निर्देशक पवन सिंह शाक्यले जानकारी दिए । दुधकोशी नदिको बहावलाई नियमित रुपमा अध्ययन गर्न तथा नजर राख्न भिडियो तथा तथ्याङ्क प्रणाली व्यवस्थापन गरिएको छ ।

जसले नदिको बहावलाई अध्ययन गरी बाढी आउने सम्भावना बढेमा मोबाईलमा एसएमएस पठाउने तथा साईरन बज्ने कार्य गर्दछ । यस प्रविधिको पहिलो चरणको कार्य सम्पन्न भएसँगै काठमाण्डौमा आयोजित एक कार्यक्रममा परियोजना हस्तान्तरण कार्यक्रममा समेत सम्पन भएको छ । दातृ संस्थाका अध्यक्ष लगायत प्रतिनिधि, नेपाल सरकारका बिभिन्न मन्त्रालयका प्रतिनिधि, अन्य सम्बन्धित निकायका प्रतिनिधिको उपस्थितीमा गाउँपालिकालाई हस्तान्तरण गरिएको हो ।

गाउँपालिका अध्यक्ष बुद्धिकिरण राई, KDDI Foundation जापानका अध्यक्ष कात्सुतोसी हानाहारा, ICT4D का अध्यक्ष मनोहर भट्टराई तथा एशिया प्यासिफिक टेलिकम्युनिकेशन्स्का प्रतिनिधि यासुहितो मोरिमोतोको उपस्थितीमा परियोजना हस्तारण भएको कार्यकारी निर्देशक शाक्यले जानकारी दिए । परियोजना हस्तान्तरण कार्यक्रममा बोल्दै अध्यक्ष राईले यस परियोजनाले पहिलो चरणमा माप्यदुधकोशी जस्तो बिकट, बाढी पहिरोको उच्च जोखिम, नदिजन्य कटानबाट पिडित रहेको पालिकामा पुर्व सुचना प्रणाली मार्फत प्रभावित क्षेत्रका नागरिकलाई जानकारी उपलब्ध गराई सुरक्षित रहन मद्धत पुर्याउनेमा विश्वास ब्यक्त गर्नुभयो । आगामी दिनमा यस परियोजनाको निरन्तरता तथा प्रवाभकारी कार्यान्वयका लागि निरन्तर सहयोगको अपिल समेत गर्नुभयो । २०८१ साउन ३२ गते खुम्बुमा हिमताल फूटेर सो क्षेत्रमा भौतिक क्षति पुर्याएको थियो ।