भोटेकोशीमा आएको बाढीपछि सोलुखुम्बुका २४ जना सम्पर्कविहीन

भाद्र ११, सोलुखुम्बु । भोटेकोशी नदीमा आएको भीषण बाढीका कारण उक्त क्षेत्रमा रहेका सोलुखुम्बु र आसपासका जिल्लाका केही व्यक्ति सम्पर्कविहीन भएको खबर प्राप्त भएको छ । पर्यटकीय क्षेत्र भएकाले पर्यटन व्यवसाय सहित अन्य विभिन्न कामका लागी भनेर रसुवा पुगेका जिल्लाबासीहरु बाढीपछि सम्पकर्ब विहिन भएका हुन् ।

प्राप्त विवरणअनुसार सोलुदूधकुण्ड नगरपालिका–१ का भुपाल बुर्ज मगर, वडा नं. ८ का धनबहादुर तामाङ, सुरेश मगर र अनिस मगर, वडा नं. ९ का आङ निमा दावा शेर्पा तथा वडा नं. १० का पासाङ काजी तामाङ, दोर्जी तामाङ, रोजीत तामाङ, पासाङ तामाङ, छिरिङ तामाङ, सगर तामाङ, रिन्जी तामाङ सम्पर्कविहीन रहेका छन् ।

त्यस्तै, लिखुपिके गाउँपालिका–१ का दोर्जी शेर्पा र संगे शेर्पा तथा वडा नं. ५ का निमा शेर्पा र अर्जुन भुजेल पनि सम्पर्कविहीन रहेको जनाइएको छ ।

माप्य दूधकोशी गाउँपालिका–१ का नुरू जाङ्बु शेर्पा, वडा नं. २ का तुला बहादुर मगर, हर्क बहादुर मगर र प्रकाश राना मगर तथा वडा नं. ४ का ओमनाथ राईको पनि हालसम्म सम्पर्क हुन नसकेको बताइएको छ ।

यसैगरी सोताङका अम्बिर नछिरिङ, थुलुङ दूधकोशी गाउँपालिका कांगेलका बाबुराम खत्री र ओखलढुंगाका बुध्दि तामाङ पनि सम्पर्कविहीन रहेको विवरण प्राप्त भएको छ ।

बाढीका कारण सञ्चार तथा यातायात सम्पर्क प्रभावित भएकाले उनीहरूको अवस्थाबारे यकिन जानकारी प्राप्त हुन नसकेको बताइएको छ । परिवार तथा आफन्तहरू उनीहरू सकुशल रहेको खबरको प्रतीक्षामा रहेका छन् ।

सम्बन्धित क्षेत्रमा उनीहरूलाई देख्ने वा भेट्ने व्यक्तिहरूले तत्काल परिवार, आफन्त वा सम्बन्धित निकायलाई जानकारी गराइदिन अनुरोध गरिएको छ ।

साथै, सोलुखुम्बुबाट विभिन्न पेशा, व्यवसाय वा यात्राका क्रममा भोटेकोशी क्षेत्र पुगेका र हालसम्म परिवार तथा आफन्तको सम्पर्कमा आउन नसकेका अन्य व्यक्तिबारे जानकारी भएमा समेत सम्बन्धित परिवार वा निकायलाई उपलब्ध गराउन अनुरोध गरिएको छ ।