भदौ १३, सोलुखुम्बु । रसुवा जिल्लामा आएको बाढीमा परी घाइते अवस्थामा उद्धार गरिएका खोटाङका ३२ वर्षीय अशिम राईलाई नुवाकोटस्थित नेपाली सेनाको ब्यारेकमा सुरक्षित राखिएको जानकारी प्राप्त भएको छ। राईलाई बाढी प्रभावित क्षेत्रबाट घाइते अवस्थामा उद्धार गरी नुवाकोटस्थित आर्मी ब्यारेकमा सुरक्षित राखिएको भए पनि हालसम्म उनका परिवार तथा आफन्तजन सम्पर्कमा नआएको जनाइएको छ।
जिल्ला प्रहरी कार्यालय खोटाङका अनुसार राईका परिवार, आफन्तजन वा उनलाई चिन्ने व्यक्तिले तत्काल नुवाकोटस्थित आर्मी ब्यारेक वा जिल्ला प्रहरी कार्यालय खोटाङमा सम्पर्क गर्न अनुरोध गरिएको छ। राईबारे जानकारी हुने तथा उनका परिवार वा आफन्तजनलाई चिन्ने व्यक्तिले समेत सम्बन्धित निकायमा खबर गरी सम्पर्कमा ल्याउन सहयोग गरिदिन प्रहरीले अनुरोध गरेको छ। राईको अवस्थाबारे थप जानकारी तथा पहिचानका लागि नुवाकोटस्थित आर्मी ब्यारेक, जिल्ला प्रहरी कार्यालय खोटाङ वा उपलब्ध गराइएका सम्पर्क नम्बरमा सम्पर्क गर्न आग्रह गरिएको छ।
