दशैँ मनाउन सोलुखुम्बु सहित तीन जिल्लाका ८ हजार ७६९ नागरिक गाउँ फर्किए

कार्तिक ४, सोलुखुम्बु । दसैँ मनाउन हर्कपुर नाका हुँदै सोलुखुम्बु, खोटाङ र ओखलढुंगाका ८ हजार ७६९ नागरिक गाउँ फर्किएका छन् । असोज २६ गतेदेखि कात्तिक ३ गतेसम्मको अवधिमा हर्कपुर चेकपोस्ट हुँदै तीन जिल्लाका नागरिक गाउँ फर्किएका हुन् । जिल्ला प्रहरी कार्यालय ओखलढुंगाका सूचना अधिकारी ईश्वर अधिकारीका अनुसार गाउँ फर्किनेमा ३ हजार ९८९ पुरुष, ३ हजार ५१२ महिला र एक हजार २६८ बालबालिका रहेका छन् ।

सोही अवधिमा हर्कपुर नाका हुँदै ७८० वटा सवारीसाधन जिल्ला भित्रिएका छन् भने २१४ वटा सवारीसाधन बाहिरिएका छन् । ओखलढुंगा, सोलुखुम्बु र खोटाङका नागरिकको आवतजावतको प्रमुख मार्गका रूपमा रहेको हर्कपुर नाकामा दसैँका बेला यात्रु तथा सवारीसाधनको चाप बढेको प्रहरीले जनाएको छ । चाडपर्व मनाउन घर फर्किने नागरिकको सङ्ख्या बढेसँगै यस क्षेत्रमा आवागमनसमेत बढेको देखिएको छ ।